Кәсіптік бағдарлау

📍📍📍Бүгін мектептің мәжіліс залында 9 сынып оқушыларымен «Мамандықты дұрыс таңдау – ол өмір сәттілігінің негізі» тақырыбында жиналыс өтті. 
⚒️Мақсаты: Оқушыларға манмандық таңдау мүмкіндіктері мен бағыт-бағдарын беру. Мамандық әлемінде өзін-өзі тани білуіне дүниетанымын кеңейту және қоғам алдындағы үлкен жауапкершілігін қалыптастыру.
Ісім оңсын десеңіз,
Сол істің маманы болыңыз.
Даңқым шықсын десеңіз,
Көпшіліктің адамы болыңыз.

                     Әл-Фараби
📌📌📌Мамандық таңдау – адамның жас шағында қабылдайтын ең маңызды шешімдердің бірі. Қуанышы да, ауырпалығы да мол үлкен өмірге енді аяқ басқалы тұрған жас жеткіншектің алдында көптеген мамандықтың, оқу орнының ішінен өзіңе лайықты біреуін таңдау міндеті тұрады.
Таңдайтын мамандығың өзіңе, қоғамға қажетті, әрі қолыңнан келетін, көңіліңнен шығатын жұмыс болуы керек. Жүрегі қаламаған мамандық иелері көп қиындыққа кездеседі. Әр адам өз қабілетіне, икемділігіне қарай мамандық таңдауы тиіс. Мамандық таңдау мәселесі, әсіресе біздің қоғамымыздың нарықтық қатынасқа көшіп отырған жағдайда өте күрделі мәселе. Сондықтан бүгін осы тақырып жөнінде ДБОБО Арихова А.Б., мектеп-психологы Нурлибаева Э.К., мектеп президенті Құрбанбай Н. Б. кеңірек тоқталып өтті.