Педагогикалық кеңес

19.08.2020 жыл. Педагогикалық кеңес онлайн ZOOM платформасында өткізілді. «2020-2021 оқу жылында оқу процесін ұйымдастыру» атты өткізілген педагогикалық кеңестің мәліметі. Педагогикалық кеңестің мақсаты коронавирустық инфекцияның таралуына жол бермеуге байланысты карантиндік шаралар жағдайында жаңа 2020-2021 оқу жылында оқыту ерекшеліктерімен  педагогтерді хабардар ету болатын. Педагогикалық кеңесте мынадай мәселелер қамтылды: Жаңа оқу жылындағы оқу форматтары, оқытудың штаттық режимінде санитарлық талаптарды сақтау, 1-4 кезекші сыныптардың жұмыс режимі және жұмыс істеу қағидалары, қашықтан оқыту: мұғалімнің жұмыс орны және ережелер, техникалық дайындық және жұмыс орны, қашықтан өткізетін сабақты әзірлеу алгоритмі, педагог имиджі және этикетті сақтау, мектепте қашықтан оқытуда пайдаланатын білім беру интернет-платформасымен танысу,жаңа оқу жылында білім алушыларды бағалау ерекшеліктері, баланы өз бетінше жұмыс істеуге және оқуға ынталандыру 

Мәселелерге сай санитарлық нормаларды сақтауды, бастауыш сыныптардағы кезекші сыныптардың міндеттері, сақталуы тиіс нормалар, қашықтықтан оқыту кезінде платформалармен таныстырылды. Сонымен бірге педагог қашықтан өткізетін сабақты ұйымдастыру жолдары , қолайлы ортаны қалыптастыру, сыртқы келбетіне ұқыпты болу және оқушылармен, ата-аналардың міндеттеріне де тоқталып өтілді. Оқу үрдісі кезіндегі нормативтік құжаттарға сай жиынтық бағалаудың ұсынымдарына көңіл бөлінді.